ཁྱོད་ཀྱི་གླུ་སྐད་དགུང་སྔོན་དབྱིངས་སུ་གྲགས་དང་ལྷན།།
ཕུགས་བསམ་མུ་མེད་སྔོ་ལྗང་རླབས་ཀྱིས་གནམ་ས་གཡོས།།
འདབ་ཆགས་ཚོགས་ཀྱིས་སྤོབས་པའི་གཤོག་རྡང་བསྒྲིལ་བྱས་ཏེ།།
རང་དབང་དར་ཆེན་སྲིད་པའི་རྩེ་རུ་བསྒྲེང་བར་བརྩོན།།
ལྷུང་ལྷུང་དལ་འབབ་གཙང་ཆབ་སྔོན་མོ་ཁྱོད་དང་མཚུངས།།
ཞུམ་པ་མེད་པའི་སྙིང་སྟོབས་ཁྱེར་ཏེ གཞན་ཡུལ་བསྙེགས།།
ལས་སྨོན་སྟོང་གི་རྫོང་བ་འདེགས་པའི་ཁྲུང་ཁྲུང་དེ་ཡང་ཁྱོད་ཡིན་ནམ།།
དུས་ཀྱི་སྐལ་བའི་འགྱོགས་འགྲོར་བཅུབས་ཏེ་རྒྱང་དུ་བཞུད།།
མི་རྣམས་གདུང་བའི་མགོ་བོ་དུད་ཚེ་གློ་བུར་དུ།།
ཁྱོད་ཉིད་ཕྱོགས་སྟོན་སྐར་ཆེན་ཞིག་ཏེ་འོད་ཟེར་སྤྲོས །།
གདུང་བའི་ངུད་མོ་སླར་ཡང་འཇགས་པའི་ཐུགས་བསྐྱེད་ཀྱིས།།
ལོ་རྒྱུས་གསར་བའི་གླེང་གཞི་ཞིག་ལ་སྔོན་འགྲོ་བྲིས །།
འདོན་སྤེལ།: ༢༠༡༠/༠༨/༠༧
No comments:
Post a Comment